قبّح الله "البوز".. من نهار تبلينا بيه مكاين غَ "العفن".. أمّا "الفن" مشا مع الشورفا والفنانات والفنانين لي فيهم الحيا.. دبا مبقاتش ذرة ديال الحيا!!
- كيفاش؟!
ختنا رمّان قاليها راسها أسهل الطّرق باش ندير #البوز هو ندير "السّعاية".. ومع فهاذ رمضان كاينين شي مواقع كيفرقو "الصّدقة" وكيدوزو الفم وماݣال وتخراج العينين.
ما علينا.. ختنا جبهتها قاسحة مطفراتوش في التمثيل قالت مع راسها آرا نقلي السم لشي مشاهدين وندير بحال "لالّة ومولاتي" لعلّ وعسى حتى أنا نبان "عميقة" فداكشي ديال "حشيان الهضرة" وسمّ الضرايرات، ونخلي بنادم يبدا عليّ بالتشيار في الفايسبوك والتيكطوك والأنستاغرام، باش تدور شوية النّاعورة وتصاوري يدورو من بروفيل لبروفيل يا #الفيل و"سحت الليل" باش حسن منّي ذيك "أمّ_44"؟! حتى أنا فران وݣاد بحومة واللهم شوهة #البوز ولا هاذيك "اللّقيْجة" للي درنا في التلفزيون فهاذ رمضان الموخريج براسو كينسى واش أنا لاعبة في المسلسل ديالو.
مفتاح النجاح والشهرة هو بنادم خاصو يكون #عايشوري ومسنطح وما يفيقش للناس من النعاس.. إييه أنا مكانسوااااش للي ماعجبوش "المشلشل" للي دقيت عليه سوارت الرباح يمشي يتفرݣع.. "المشلشل" واعر واعر أبى من أبى وكره من كره... إييه نعاماسي معاك كاندوي قلب ستة تسعود وطفي التلفزة ودير خير فراسك وسدات مدام.
تا كيفاش هاذ البلان.. بنادم على سبّة ومحسوس باقي يالاه كنبرݣم تاكتشعل معاك بتمرميقة وتقوليك طفي المشقوفة وسير قضي ليك حاجة.. قرا كتاب ولا سير ضيم... هاذو على ما يبدو باغين يطرطقو لينا الغدّة البصليّة.
والله العظيم فمنا حماض من كثرة النݣير والكريتيك.. بغينا شي نهار إنتاجنا التلفزيوني الوطني يكون محفّز لإنتاج #هرمون_السّعادة والسّكينة.. الساعة لله!!!!!!!
نسدّو الملف ولّا عندك ما تضيفي؟!
- كيفاش؟!
ختنا رمّان قاليها راسها أسهل الطّرق باش ندير #البوز هو ندير "السّعاية".. ومع فهاذ رمضان كاينين شي مواقع كيفرقو "الصّدقة" وكيدوزو الفم وماݣال وتخراج العينين.
ما علينا.. ختنا جبهتها قاسحة مطفراتوش في التمثيل قالت مع راسها آرا نقلي السم لشي مشاهدين وندير بحال "لالّة ومولاتي" لعلّ وعسى حتى أنا نبان "عميقة" فداكشي ديال "حشيان الهضرة" وسمّ الضرايرات، ونخلي بنادم يبدا عليّ بالتشيار في الفايسبوك والتيكطوك والأنستاغرام، باش تدور شوية النّاعورة وتصاوري يدورو من بروفيل لبروفيل يا #الفيل و"سحت الليل" باش حسن منّي ذيك "أمّ_44"؟! حتى أنا فران وݣاد بحومة واللهم شوهة #البوز ولا هاذيك "اللّقيْجة" للي درنا في التلفزيون فهاذ رمضان الموخريج براسو كينسى واش أنا لاعبة في المسلسل ديالو.
مفتاح النجاح والشهرة هو بنادم خاصو يكون #عايشوري ومسنطح وما يفيقش للناس من النعاس.. إييه أنا مكانسوااااش للي ماعجبوش "المشلشل" للي دقيت عليه سوارت الرباح يمشي يتفرݣع.. "المشلشل" واعر واعر أبى من أبى وكره من كره... إييه نعاماسي معاك كاندوي قلب ستة تسعود وطفي التلفزة ودير خير فراسك وسدات مدام.
تا كيفاش هاذ البلان.. بنادم على سبّة ومحسوس باقي يالاه كنبرݣم تاكتشعل معاك بتمرميقة وتقوليك طفي المشقوفة وسير قضي ليك حاجة.. قرا كتاب ولا سير ضيم... هاذو على ما يبدو باغين يطرطقو لينا الغدّة البصليّة.
والله العظيم فمنا حماض من كثرة النݣير والكريتيك.. بغينا شي نهار إنتاجنا التلفزيوني الوطني يكون محفّز لإنتاج #هرمون_السّعادة والسّكينة.. الساعة لله!!!!!!!
نسدّو الملف ولّا عندك ما تضيفي؟!
