الجمعة 10 يوليو 2020
فن وثقافة

الزجال إدريس بلعطار يرثي الوطني الكبير الفقيد السي عبد الرحمان اليوسفي

الزجال إدريس بلعطار يرثي الوطني الكبير الفقيد السي عبد الرحمان اليوسفي إدريس بلعطار، و الفقيد عبد الرحمان اليوسفي
لخبار صحيحة ماشي ملاوطة
دروب الضو صبحات ليوم رابطة
 
عزيز القوم من حبابك يا بلادي 
أنزل. .وجمالو وتشت هابطة
 
قنديل بالصح ضوى شلا اركان 
أيام الظلمة كانت باڭدام عافطة 
 
ف وعر  شوكي مشى باڭدامو حفا
وكان في لحق  مشارط بلا مشارطة 
 
ما ساوم  ..ماتساوم ... ماربى
كبدة على دراهم بدموع مخالطة 
 
بلاده ف قلبو  ماشي في الجيب
ياويح من بالصنك ريحتو ڭانطة
 
من زمان القرطاس وقطيع الرأس
في دروبو عساس ولخصوم قانطة   
 
دبب الوقت حتى رسات بحورو 
الرايس اللبيب عند الموجة الساخطة
 
ليه الرحمة... و  للرجال امثالو 
ليهم بكات العين والقلوب ناحطة