الجمعة 29 مارس 2024
سياسة

نداء إلى "البغلمانيات" و"البغلمانيين"!!!

نداء إلى "البغلمانيات" و"البغلمانيين"!!!
انتهت الانتخابات البرلمانية. دابا حانت انتخابات البغلمانيين والبغلمانيات.. وحانت ساعة الحقيقة. وأي واحد شاف راسو عندو المؤهلات باش يكون "بغلماني" المطلوب منه تقديم نهج السيرة وحسن السلوك والسلوكية. ولكن كاين واحد الشرط.. لا تقبل إلا لوائح المترشحات والمترشحين الذين ينتمون إلى حظائر حزبية عريقة. اللامنتمون يمشيو يخويو على كرشهم الشعير. وننهي إلى علمكم أن عملية الاقتراع ستجري في ظروف شفافة لا تشوبها شائبة، بحضور مراقبين دوليين. حنا ماشي بحال هاذوك... كنعارفو المعقول معندناش مع القوالب والدغانيش وتزوير المحاضر.. لي فاز بشي جفنة الله يسهل ليه. الخطاب ديالنا واضح ويسمو على خطاب "ما دون البغل وفوق الحمار".. في الواقع لي حمار حمار.. ولي بغل بغل!!!.. واللهم بغل ولا حمار!!!  
خوتي وخواتاتي، أنا هنا جيت باش مانكذبش عليكم.. حنا بغاينا "بغلمانيبن" نزهاء و"بغلمانيات" شريفات يمثلو شعب "البغال" خير تمثيل وللي عندو شي غرض يقضيوه ليه.. ويوفرو القناطير من التبن للعلف. بدون العلف لا وجود للبغال، وبدون بغال لا وجود لبغلمان ولا وجود لبغلمانيبن ولا بغلمانيات.. فأنتم الأصل والباقي تقليد.. 
وعلى رقبتي وتقليدي!!!!!!!!