في سياق النقد الكاريكاتوري، أوردت صفحة" تبا لشبيحة بنكيران"  على المارد الأزرق " الفيسبوك"، صورة كاريكاتورية تلخص بشكل لافت الوضع الحكومي الشبيه " بأكلة البطاطس" في قراءة " بوكماخ"و في ما يلي ما جاء في الصفحة:

"حكومة الحلْقة:

قال الرباح: "اللي جاه المازوط غالي يمشي على رجليه"
وقال بنكيران: "اللي جاه الحليب غالي يدير الرايب"
وقال الوفا: "اللي جاه الخبز غالي يدير الملاوي"
سبحان الله، مشروع كامل متكامل
بقا اللي جاه الضو غالي يشري الشمع، واللي جاه الشمع غالي يبقى غي يلهمز ف الظلام.
واللي جاه الما غالي يبقى يشد الوضو، أو يتيمم، ويغسل الأواني غي مرة ف الشهر.
واللي جاه الكار غالي ما يقطعش بلاصا، يمشي باGـــاج
واللي جاتوا الرسوم نتاع الجامعة غالية، يْقَري ولدو غي ف الدار، عْلاه ابن تيمية وابن القيم الجوزية قراو فْشي كلية؟
واللي جاتو 65 سنة فالتقاعد بزاف، يتعرض لشي تْران، مالوا غادي يكون حسن من عبد الله باها؟
واللي جاه الاقتطاع من الإضراب صعيب، يدير الإضراب أيام الأحد والأعياد.
واللي بغا تطيح الشتا بلا ما يصلي صلاة الاستسقاء، باراكا عليه غي يصوت على هاد الحكومة لحقاش حكومة البركة، والألطاف الإلاهية.

كل عام والمشروع الإسلامي بخير.."