زعماء الأغلبية الحكومية: أخنوش يتوسط بركة ووهبي في الاجتماع الشهري لهيئة رئاسة أحزاب الأغلبية بالمقر الجديد لـ"البّام"، كان الاجتماع خاطفاً لتمرير رسالتين: أولا، اتهام روسيا وأوكرانيا وتحميلهما مسؤولية الارتفاع الصاروخي للأسعار. ثانيا، للاحتفال بالمقر الجديد لحزب "الأصالة والمعاصرة". ألم تلاحظوا أن عبد اللطيف "وهمي"، عفواً "وهبي" كان منتشياّ وهو ينفش ريشه كطاووس.. ماشي هو "مول الباش"؟! لتذكير المغاربة وهبي هو وزير "التقاشر".. هاذشي علاش يقدر يقشّركم وهو لا يتقشّر أبداً.. أبداً!!
نرجعو للموضوع.. وموضوع الساعة.. ماشي الساعة القديمة ولا الجديدة كاندوي على الارتفاع "الفاحش" للأسعار الذي يتحمل مسؤوليته رئيس الحكومة عزيز أخنوش.
والسّاعة لله هاذي الجوج من سابع رمضان ومزال ماشفنا النهار الأبيض كانشوفو غير "الخناشيش" باعو لينا القرد وكيضحكو على من شراه. حنا القرودة الذين صوتوا على ثلاثة "خناشيش" كيخرجو منّا الزّيت. آاااااح على الزّيت حيانا الله حتى مابقيناش كانفوتو إيطرو في الشهر.. ومن شاهد منكم مواطنا يحمل بيدو د الزيت من سعة 5 لتر إمّا ضارب شي صندوق ولا شاد القُرعة.. الزّيت فهاذ الأيام كايطيب بيه لمن استطاع إليه سبيلاً.
المغاربة اليوم يخمّمون في الزيت كثر من الأوكسجين. المهم الزيت لي كتخرجو منّا الحكومة أصبحنا نشتريه بالعملة الصّعبة، باش تعرف راسك يا عزيزي المواطن قيمتك.. راك منجم للثروات الطبيعية والحيوانية والحكومة للي غادي تصوت عليها تحلبك.. تحلبك.. وتستخرج الزيت من بلبوزة عينك.. ياك "تستاهل أحسن"؟! ها هوما بداو "الحسانة" بكري ومخلاوش شي حاجة منتفوهاش!!
مكاين غير الدق والسكات.. العافية شاعلة أخنوش مفايقش من النعاس وماعندوش الوقت حتى للسلام عليكم!!
الاجتماع الثلاثي كان خفيف ظريف.. كل زعيم حزب دار "لقيجة" بالطارة والبندير.. ومسحو صبابطهم في وجه بوتين وزيلينسكي ونتا لمّن كاتشكي.. عاودها لراسك وسير تنبّݣ_أوشكي!!
الحاصول الحكومة للي جات كتضحك علينا.. معرفتش واش حنا للي فينا الضحك ولا هوما للي فيهم الضحك.. وها نتوما كاتشوفو أخنوش أصبح رئيسا للحكومة بحال الضحك.. وعبد اللطيف مول "التقاشر" أصبح وزيرا للعدالة بحال الضحك.. ونزار "براكة_عليك" أصبح وزيرا للتجهيز بحال الضحك.
وكلّ حكومة والشعب ضاحكين وضاحك عليهم الوقت!!
نرجعو للموضوع.. وموضوع الساعة.. ماشي الساعة القديمة ولا الجديدة كاندوي على الارتفاع "الفاحش" للأسعار الذي يتحمل مسؤوليته رئيس الحكومة عزيز أخنوش.
والسّاعة لله هاذي الجوج من سابع رمضان ومزال ماشفنا النهار الأبيض كانشوفو غير "الخناشيش" باعو لينا القرد وكيضحكو على من شراه. حنا القرودة الذين صوتوا على ثلاثة "خناشيش" كيخرجو منّا الزّيت. آاااااح على الزّيت حيانا الله حتى مابقيناش كانفوتو إيطرو في الشهر.. ومن شاهد منكم مواطنا يحمل بيدو د الزيت من سعة 5 لتر إمّا ضارب شي صندوق ولا شاد القُرعة.. الزّيت فهاذ الأيام كايطيب بيه لمن استطاع إليه سبيلاً.
المغاربة اليوم يخمّمون في الزيت كثر من الأوكسجين. المهم الزيت لي كتخرجو منّا الحكومة أصبحنا نشتريه بالعملة الصّعبة، باش تعرف راسك يا عزيزي المواطن قيمتك.. راك منجم للثروات الطبيعية والحيوانية والحكومة للي غادي تصوت عليها تحلبك.. تحلبك.. وتستخرج الزيت من بلبوزة عينك.. ياك "تستاهل أحسن"؟! ها هوما بداو "الحسانة" بكري ومخلاوش شي حاجة منتفوهاش!!
مكاين غير الدق والسكات.. العافية شاعلة أخنوش مفايقش من النعاس وماعندوش الوقت حتى للسلام عليكم!!
الاجتماع الثلاثي كان خفيف ظريف.. كل زعيم حزب دار "لقيجة" بالطارة والبندير.. ومسحو صبابطهم في وجه بوتين وزيلينسكي ونتا لمّن كاتشكي.. عاودها لراسك وسير تنبّݣ_أوشكي!!
الحاصول الحكومة للي جات كتضحك علينا.. معرفتش واش حنا للي فينا الضحك ولا هوما للي فيهم الضحك.. وها نتوما كاتشوفو أخنوش أصبح رئيسا للحكومة بحال الضحك.. وعبد اللطيف مول "التقاشر" أصبح وزيرا للعدالة بحال الضحك.. ونزار "براكة_عليك" أصبح وزيرا للتجهيز بحال الضحك.
وكلّ حكومة والشعب ضاحكين وضاحك عليهم الوقت!!
