نشرت خريجة برنامج «عرب غوت تالنت»، الفنانة عبير العابد، عبر حسابها الشخصي على موقع التواصل الاجتماعي «انستغرام»، صورة لها وهي حليقة شعر الرأس بالكامل، في خطوة جريئة تضامنا مع مثيلاتها في الجنس اللطيف.

وكتبت عبير في تدوينة لها قائلة: «رسالة مني لكل مرأة أو بنت، كتعاني مع المجتمع لي كيبغي يفرض عليها بعض الأفكار لي هي وهمية ومن اختراع البشر والشعوب".. مضيفة "جيت اليوم نتضامن مع راسي ومع أي بنت كذبو عليها فيوم من الأيام وقالوا ليها بلي إذا ما كانش عندك الشعر أنت ماشي مرا، وشحال من وحدة تعقدات أو دارت الزيف باش تغطي أو باروكا، غير حيت شعرها كيطيح، أو حرش، أو مرضات بالسرطان وما قدراتش تقبل راسها قرعة حيت الناس غادي يضحكوا عليها.. البنات سمعوني مزيان، سر جمالك هو عقلك، وكيانك، وذكائك، ومستواك الفكري وأخلاقك، وفلوسك وعملك، وقلبك ونيتك وأهم حاجة ابتسامتك وثقتك بنفسك.. هادي هي قيمتك، ماشي شعرك، أو جسمك.. خليك قوية رغم كلام الناس لي ما غادي يفيدك فوالو"..

وأضافت عبير العابد، "من الآن فصاعدا، سمعي لقلبك، وديري داكشي لي أنت مقتانعة به، مدام ما كيمس الحرية ديال حتى شئ واحد ولا كيخدش الحياء، أما بالنسبة لداك الناس لي غادي يضحكو عليك ما تديهاش فيهم، واش كاين شي إنسان عاقل، واعي وعندو قيمة فالمجتمع، كيعطي رأيه فالناس بلا ما حتى واحد يطلب منه؟؟!!! طبعًا لا، هادوك كلهم ناس حياتهم فارغة عليها كيهتمو بمشاكل وحياة الناس.. آخر كلمة أنت فتاة إذا أنت مركز الكون بشعرك أو بلاش"...