الجانب المشرق والمبهج في أخبار النعي الكاذبة هو بنادم لي قتلوه فالفايسبوك كيقرا شكون عزاه وشكون معزاهش.. ويقدر شي واحد معمرو حتى سلم عليه يلقاه لايح صورتو وكاتب مرثية مدارتهاش الخنساء في رثاء أخيها صخر.. وزيد على هاذشي لي كيلوحو التصاور مع المرحوم يقدر براسو ميعرفهومش... والحاجة الخطيرة يقدر المرحوم يبقى فيه راسو ويبكي من خلجات أعماقه على رحيله المفاجئ... تجرب هاذ اللعيبة تعيش الإحساس بأنك ميت وكيعزيوك الناس فحياتك فرصة لا تتاح لأي كان إلا إذا كنتي موهيم ولا كنتي موهيمة عزيزي الساط وعزيزتي الساطة.

إيوا يا الخوت للي لاحو تصويرة مطاع يعاود يتيكو الكارطة.. ولي عندو شي صورة معاه فالفايسبوك ينوض يجمعها.. معرفناش من هنا لغدا شكون لي سابق.

وكل من عليها فان ويبقى وجه ربك ذو الجلال والإكرام!!!!